Lajme

I shpallur në kërkim për vra*je në Spanjë, 30 vjeçari shqiptar arrestohet në Britani

Autori: Gazeta inFokus 13:15 | 23 January 2024

Një 30 vjeçar me origjinë shqiptarë, i cili ishte shpallur në kërkim që prej vitit 2019 nga autoritetet spanjolle është arrestuar në Britaninë e Madhe. Ai është i dyshuari kryesor për vrasjen e 24 vjeçarit maroken Soufin Mhara që humbi jetën tragjikisht jashtë një lokali në Spanjë pasi u godit disa herë me thikë.

30-vjecari pritet të ekstradohet tani në Spanjë. Referuar autoriteteve spanjolle, i riu shqiptar është i përfshirë edhe në një organizatë të trafikut të drogës në Angli.

Siç raportohet nga Gjykata e Lartë e Drejtësisë së Galicias, i arrestuari do të mbërrijë nesër në Spanjë, pas së cilës do të njihet edhe me masën e arrestit në burg.

-Advertisement-

Për identifikimin e të dyshuarit, kanë kontribuar deklaratat e dëshmitarëve të cilët kanë ofruar edhe video dhe fotografi nga dita e ngjarjes. Autori dyshohet që është larguar nga vendi menjëherë pas ngjarjes së rëndë të vitit 2019.

Hetuesit arritën të ndiqnin gjurmët e tij duke bashkëpunuar me vende të ndryshme përfshirë Portugalinë, Francën, Italinë, Shqipërinë, Greqinë dhe së fundmi edhe me Britaninë e Madhe.

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

lajme