Lajme

Hyseni thotë se Kosova kurrë s’ka qenë më e izoluar: Çfarë solli deri këtu

Autori: Gazeta inFokus 11:16 | 07 November 2021

Ish-koordinatori nacional për dialogun mes Kosovës dhe Serbisë, anëtari i Lidhjes Demokratike të Kosovës, Skender Hyseni, ka thënë se Kosova që nga shpallja e pavarësisë, asnjëherë nuk ka qenë me e izoluar në rrafshin ndërkombëtar.

Duke marr shkas faktin që Kosova nuk u ftua nga SHBA-ja për të marrë pjesë në Samitin për Demokracinë, Hyseni e bën përgjegjës kryeministrin Albin Kurti dhe presidenten Vjosa Osmani, për, siç thotë, dërgimin e shtetit në një “klub” me Serbinë dhe Bosnjën, shkruan Gazeta Express.

Ish-kryediplomati i Kosovës ka përmendur disa nga arsyet, që sipas tij, janë marrë për bazë për të mos e ftuar Kosovën në Samitin për Demokracinë. Aty, Hyseni thekson paraqitjet e Kurtit dhe Osmanit në arenën ndërkombëtare e qasjen e kryeministrit ndaj dialogut me Serbinë.

-Advertisement-

“Paraqitjet skandaloze të Presidentes, Kryeministirit dhe Ministres së Jashtme të Kosovës në Këshillin e Sigurimit të OKB-së dhe forume tjera ndërkombëtare, në të cilat predominon portretimi i Kosovës si vend i krimit dhe korrupcionit, duke pretenduar se këta janë të dërguarit e Zotit për ta ndryshuar këte, janë mirëpritur nga kundështarët dhe kontestuesit e pavarësisë së Kosovës. Ndërkohë që përkrahësit dhe sponsorizuesit e pavarësisë së Kosovës zihen ngusht dhe disi ‘në faj, sepse paskan ndihmuar krijimin e një shteti “monstër”’ A është mohimi i vet qenies së Kosovës dhe bllatosja e saj, prioritet i politikës së jashtme të binomit Osmani-Kurti, të cilët, me votën tuaj qytetarë të nderuar të vendit tim dhe me votën e deputetëve të zgjedhur nga ju, kanë ardhur në krye të shtetit tonë të dashur! Përgjigjen në këtë pyetje duhet ta ipni JU!”, ka shkruar Hyseni.

Reagimi i Skender Hysenit:

Subscribe në YouTube: GAZETA INFOKUSI