Lajme

Hyseni: Fondi Sovran do të jetë reforma më e madhe e ekonomike në Kosovë

Autori: Gazeta inFokus 20:58 | 02 June 2023

Në emisionin EURO n’7 me Menduh Abazin është diskutuar krijimi i Fondit Sovran të Kosovës, që ishte njëri ndër premtimet më të mëdha parazgjedhore të Lëvizjes Vetëvendosje.

Udhëheqësi i ekspertëve të grupit punues për Fondin Sovran, Mentor Hyseni ka deklaruar se krijimi i këtij fondi është reforma më e madhe e ekonomisë së vendit të ndodhur ndonjëherë.

Sipas tij, me krijimin e këtij fondi do të ndodh zhvillimi sektorial i ekonomisë së vendit dhe reformimi i ndërmarrjeve publike, duke i kthyer ato në kompani fitimprurëse dhe interesante për investitorë.

Nën ombrellën e Fondit Sovran do të futen të gjitha ndërmarrjet publike, që sipas Hysenit tashmë nuk operojnë më me humbje, si dhe 24 mijë asete tjera.

-Advertisement-

“Ne nuk po bëjmë diçka të jashtëzakonshme, ne po bëjmë diçka që është duke bërë bota në dy dekadatë e fundit, janë tri modele të fondeve sovrane, modeli i fondeve pensionale, modeli i investimeve që ne e kemi marr, ne kemi bërë një platformë që i përshtatet më së miri Kosovës, që është fondi investiv dhe zhvillimor që ka të bëjë me zhvillimin e ekonomisë sektoriale që primatin e kanë ndërmarrjet publike dhe të investimin e kapitalit të huaj në Kosovë që me rrit likuiditetin e këtyre ndërmarrjeve”, ka thënë Hyseni.

Reforma që ka nisur qeveria në tri vitet e fundit te ndërmarrjet publike, sipas projektuesit të Fondit Sovran, japin siguri që fondi do të funksionojë, sepse vetëm 6 ndërmarrje para tri viteve kanë pasur 26 milion euro humbje, ndërsa tani kanë 238 milionë euro fitim.

Në anën tjetër, udhëheqësi i grupit të ekspertëve siguron se nuk do të ketë largim të punëtorëve nga vendet e tyre në ndërmarrjet publike. Sipas tij, përkundrazi, do të ketë shtim të aktiviteteve në këto ndërmarrje dhe rrjedhimisht edhe punëtor të rinj.

Subscribe në YouTube: GAZETA INFOKUSI