Sport

Hysaj paralajmëron Spanjën

Autori: Gazeta inFokus 17:34 | 06 Tetor 2017

Hysaj beson se Kuqezinjtë mund të marrin rezultat pozitiv sonte kundër Spanjës.

Mbrojtësi i djathtë i Shqipërisë, Elseid Hysaj, ka përpara 3 sfida të rëndësishme, e para luhet sonte kundër Spanjës, pas tre ditësh kundër Italisë në “Loro Boriçi”, e javën e ardhshme kundër Romës për të pozicionuar sa më mirë Napolin në Serinë A, por mbrojtësi kuqezi është tërësisht i përqendruar tek kombëtarja.

Pavarësisht se shpresat e Shqipërisë për t’u kualifikuar janë thuajse inekzistente dhe Spanja është një ekip i madh, kjo nuk e pezmaton mbrojtësin kuqezi, që thekson se në “dy ndeshjet e radhës do të luajmë për të fituar”.

-Advertisement-

“Spanja është një skuadër e madhe, por në futboll nuk i dihet kurrë se si do të përfundojë”, ka deklaruar për mediat italiane Hysaj.

“Do të japim maksimumin. Më pas është Italia. Do të kemi dy sfida të rëndësishme, të cilat do të përpiqemi t’i fitojmë. Tani më duhet të mendoj për Kombëtaren, më pas për Napolin”, ka shtuar mbrojtësi shqiptar.