Sport

Hysaj, 150 ndeshje dhe 13093 minuta në Serinë A

Autori: Gazeta inFokus 15:46 | 08 Tetor 2018

Elseid Hysaj u bë protagonist në ndeshjen mes Napolit dhe Sassuolos, e fituar 2-0 nga skuadra e Ancelottit, me asistin që dha për Insignen në minutën e 72-të. Por një tjetër fakt interesant zbulohet për mbrojtësin shkodran në përfundim të këtij takimi. 24-vjeçari zhvilloi ndeshjen e tij të 150-të në Serina A, që kur debutoi me Empolin në moshën 19-vjeçare.

Sipas përllogaritjeve që i bëjnë mediat italiane, 114 ndeshje futbollisti i Kombëtares Shqiptare i ka regjistruar me fanellën e Napolit. Që nga ardhja e tij në “San Paolo”, në sezonin 2015-2016, Hysaj është mbrojtësi i krahut, më tepër i aktivizuar ndër lojtarët napolitanë në kampionatin italian me 1072 minuta në fushë, ndërsa me Empolin në sezonin e parë në Serinë A, po nën urdhrat e Maurizio Sarrit, ka qëndruar në fushë për 3021 minuta.

Në total, në Serinë A, ka luajtur për 13 093 minuta, një shifër rekord për një lojtar të moshës së tij. Mesatarisht Hysaj ka luajtur mbi 87 minuta e 2 sekonda për takim.

-Advertisement-