Kreu i Lidhjes Demokratike të Kosovës, Isa Mustafa me kolegët e tij të partisë dhe të institutit “Riinvest”, ku ishte edhe ndër themeluesit, po del të ketë bërë një gabim të madh në kohën sa punonte në këtë institut.

Bashk me ministrin e tanishëm të Infrastrukturës, Lumir Abdixhikun e këshilltarin e tij Alban Zogajn nën udhëheqjen e profesorit Muhamet Mustafa në vitin 2004 kishin kalkuluar se përafërsisht në Kosovë duhet ishin 2-2.1 milionë banorë rezidentë, shkruan gazeta inFokus.

Ndërkaq, ky numër do të rritej në 2.4 milionë banorë në vitin 2015, kur do të bëhej sfidë serioze për vendin në të ardhmen.

“Rritja mesatare e popullsisë vlerësohet të jetë ndërmjet 1.6 dhe 1.8 %. Një ulje më e madhe në rritjen e popullsisë nuk mund të pritet, sepse në Kosovë ende dominon një popullatë e re”, thuhej në raportin “Qëndrueshmëria ekonomike e Kosovës (sfidat, politikat dhe mundësitë)”.

Megjithatë, diferenca me të dhënat reale del të ketë qenë shumë e madhe.

Regjistrimi i popullësisë i realizuar në vitin 2011 në Kosovë nxjerrë se veni ka vetëm 1,739,825 banorë. Kjo është për 660 mijë banorë më pak se që kishte llogaritur Mustafa me kolegët e tij.

Sipas tyre në anën tjetër, komponenti i emigrimit mund të shënojë rritje nëse vendi nuk do të mund të gjenerojë rritje ekonomike dhe punësim të qëndrueshëm, shkruan gazeta inFokus.

“Pra, siç pamë edhe më lart, një rritje absolute e popullatës prej 400.000 banorë deri në vitin 2015 paraqet një sfidë serioze dhe, në të njëjtën kohë, krijon edhe kërkesa të reja për arsim, punësim, banim dhe shërbime publike”, thuhej në raport.

Kalkulimi ishte bërë bazuar në rezultatet nga anketat me familje lidhur me dinamikën dhe strukturën e popullsisë në Kosovë.

Riinvesti kishte realizuar dy anketa të gjera me familje gjatë periudhës së pasluftës (gusht 1999 dhe janar 2003), shkruan gazeta inFokus.

“Të dy këto anketa sigurojnë një bazë të qëndrueshme për të vlerësuar se gjatë dhjetë viteve të fundit popullata është rritur për rreth 26%”, thuhej në raport.

Ndërkaq, parashikimi për ndryshimin e popullësisë në vitet në vazhdim idhte bërë bazuar në skenarin ku kjo përqindje është aplikuar në të dhëna reale statistikore sipas të cilave vlerësohej se në vitin 1991 Kosova kishte 1.956.000 banorë./Gazeta inFokus/

BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Sponsoruar