Lajme

Hoxhaj takon deputetin britanik, flasin për Kosovën

Autori: Gazeta inFokus 19:26 | 06 March 2024

Ish-ministri i jashtëm i Kosovës Enver Hoxhaj, po qëndron për vizitë në Londër ku ka takuar të Dërguarin e Kryeministrit britanik, për Tregti në Ballkanin Perëndimor, Martin Vickers.

Nënkryetari i Kuvendit të Kosovës, Enver Hoxhaj, përmes një postimi në rrjetin social Facebook, ka treguar në kuadër të vizitës së tij në Londër është takuar edhe me Martin Vickers,i cili është deputet në Parlamentin britanik, kryetar i Grupit të Miqësisë së Mbretërisë së Bashkuar me Kosovën dhe i Dërguar i Kryeministrit britanik për Tregti në Ballkanin Perëndimor.

“Takim i shkëlqyer në Londër me deputetin Martin Vickers, kryetar i Grupit të Miqësisë së Mbretërisë së Bashkuar me Kosovën dhe i Dërguar i Kryeministrit për Tregti në Ballkanin Perëndimor. Mbretëria e Bashkuar ka pasur dhe vazhdon të ketë rol të veçantë në çlirimin, pavarësinë, rindërtimin e Kosovës. Bashkë me miqtë, shteti ynë ka shënuar arritje të mëdha dhe në partneritet me ta do të ecë drejt objektivave të së ardhmes.”, ka shkruar Hoxhaj në Facebook.

-Advertisement-

Mëngjesin e sotëm, Hoxhaj njoftoi se u takua edhe me ish-sekretarin e NATO-s, Lord George Robertson, për të cilin tha se bëri gjithçka për çlirimin tonë në një nga periudhat më kritike për Kosovën.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme