Lajme

Hoxhaj: PDK sot vendos për emrat e ministrave

Autori: Gazeta inFokus 12:49 | 08 September 2017

Nënkryetari i PDK-së, pas përfundimit të mbledhjes së kryesisë së këtij subjekti, ka deklaruar se deri tash nuk kanë diskutuar për emrat e ministrave, por sot gjatë ditës Kadri Veseli do të jap propozimet dhe pastaj do të vendos kryesia e partisë.

Hoxhaj tha se është debatuar jo për emrat por për atë se çfarë duhet të bëjë Qeveria e ardhshme e Kosovës.

Sipas tij, është diskutuar që Qeveria e ardhshme të ketë një program me disa prioritete të qarta, të ketë disa qëllime strategjike pasi vendi është në një fazë të shtet ndërtimit.

-Advertisement-

Hoxhaj ka thënë se për demarkacionin me Malin e Zi tha se çdo qasje që do ta ketë Haradinaj do ta ketë përkrahjen e PDK-së.

“Sot nuk ka pas asnjë debat për asnjë emër të ministrave, kemi fol për profilin e tyre dhe prioritet që do t’i ketë Qeveria e ardhshme. Është mandati i kryetarit të PDK-së, që del me disa emra, pastaj kryesia e voton, sot gjatë ditës”, tha ai.

Subscribe në YouTube: GAZETA INFOKUSI