Lajme

Hovenier: KPK-ja të merr hapa për zgjedhjen e Prokurorit të Shtetit, për të rikthyer besimin e ndërkombëtarëve

Autori: Gazeta inFokus 12:40 | 02 March 2024

Ambasadori i Shteteve të Bashkuara të Amerikës, Jeffrey Hovenier deklaroi se Këshilli Prokurorial i Kosovës duhet të sigurojë një proces të drejtë, transparent për përzgjedhjen e prokurorit të ardhshëm të shtetit.

“Para dy viteve kam qenë në këtë konferencë dhe i kam kërkuar Këshillit Prokurorial të Kosovës që të sigurojë një proces të drejtë transparent dhe meritor për përzgjedhjen e Prokurorit të ardhshëm të Shtetit”, u shpreh Hovenier në fjalën e tij në konferencën vjetore të prokurorëve.

Hovenier thekson se KPK-ja duhet të ndërmarrë hapat e nevojshëm për të rikthyer besimin e publikut dhe partnerëve ndërkombëtarë.

-Advertisement-

“Në këtë konferencë do ta bëjë të njëjtën kërkesë, dhe me vjen keq që po bëj dy vite më vonë por qeveria ime beson se Këshilli Prokurorial i Kosovës duhet të ndërmarrë hapat e nevojshëm për të vepruar me standardet e qeverisë së mirë dhe për të rikthyer besimin e publikut dhe partnerëve ndërkombëtarë”.

“Ju inkurajoj për të punuar shumë për të krijuar një kulturë të llogaridhënies dhe profesionalizmit në çdo zyrë tuajën”, u shpreh ambasadori amerikan Jeffrey Hovenier.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme