Lajme

Hoti: VV po kërkon të ikë nga qeverisja duke e futur opozitën në lojë, duhet të largohen nga pushteti

Autori: Gazeta inFokus 15:55 | 14 May 2024

Deputeti i LDK-së, Avdullah Hoti përmes një postimi të bërë në Facebook ka thënë se VV po kërkon që të ikin nga pushteti duke e futur opozitën në lojë.

Tutje, deputeti i LDK-së ka thënë se në vend se qeveria të kapet fort në parimet e dialogut, kanë degraduar pozitën e Kosovës në dialog dhe në skenën ndërkombëtare.

Postimi i plotë:

-Advertisement-

Këta që na sollën draft-statutin e asociacionit, që siç e thonë vetë i ngjason një krijese sikurse në Bosnjë, duhet larguar nga pushteti. Në vend se të kapeshin fort në parimet e dialogut për njohje, të zhvilluara nga qeveria e mëparshme e që respektoheshin nga aleatët, këta e degraduan pozitën e Kosovës në dialog dhe në skenën ndërkombëtare.

Sot, e gjithë bota demokratike pa përjashtim na bën presion për themelim të asociacionit sipas draft-statutit që thirret në rezolutën 1244, që legjitimon strukturat ilegale serbe e që anashkalon Kushtetutën e Kosovës në adresimin e kontesteve ligjore.

Nga tetori 2023, këta e kanë pranuar draftin. Nuk janë të zotë t’i thonë jo. Tani kërkojnë të ikin nga qeverisja duke e futur opozitën në lojë se gjoja është paralizuar Kuvendi. Nëse bëhen bashkë si koalicion, me një pjesë të opozitës votohen edhe marrëveshjet ndërkombëtare.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme