Lajme

Hoti pyetet në Prekaz për Murat Jasharin që VV e propozoi për Kryeministër konsensual

Autori: Gazeta inFokus 15:41 | 04 June 2020

Kryeministri Avdullah Hoti, ka komentuar propozimin e bashkëpartikes së tij, nënkryetares së LDK-së, Vjosa Osmani, para se të votohej kabineti i tij e që kërkonte qeveri tranzitore me kryeministër Murat Jasharin.

Hoti tha se në vend tashmë kanë ndodhur procese te tjera kushtetuese dhe Murat Jashari mbetet emër i respektuar për të gjithë.

“Emri i tij është simbol i kësaj familje dhe nuk ka qytetar në Kosovë që nuk e respekton, por ka ndodhur disa procese te tjera kushtetuese në Kosovë, sot e kemi marrë detyrën dhe do të bashkëpunojmë me te gjithë pa përjashtim për të krijuar unitetin e nevojshëm shoqëror pavarësisht dallimeve që mund të kemi politike dhe të tjera, në interes të qytetarëve të Kosovë”, tha Hoti.

-Advertisement-

Kryetari i Skenderajt dhe përfaqësuesi i familjes historike, Bekim Jashari uroi qeverinë e re për detyrën e marrë.

“Bëmë homazhe të varrezat, vizituam edhe kullat që gjendjen në të cilën janë e dimë të gjithë, uroj që qeveria e re dhe kryeministri Hoti të kenë fat, shëndet dhe t’iu ecë puna mbarë sepse populli ynë ka shumë nevojë, për shumë gjëra. Urime e suksese të gjithëve, paçi shëndet dhe u ecte qysh është më së miri”, tha Jashari.

Subscribe në YouTube: GAZETA INFOKUSI
Rëndësia e komunikimit efektiv midis Familjes dhe Kopshtit

Të tjera

Fokusi

lajme