Lajme

Hoti: PAN-i i ka numrat, Veseli të enjten zgjidhet kryetar i Kuvendit

Autori: Gazeta inFokus 19:59 | 07 August 2017

Vazhdimi i seancës konstituive Kryesuesi i seancës konstituive, Adem Mikullovci deputet i Vetëvendosjes e ka thirrur seancën për këtë të enjten, me vetëm një pikë të rendit të ditës, zgjedhjen e kryetarit të Kuvendit.

Në koalicionin PAN janë të bindur se të enjten do të zgjidhet kryetari i Kuvendit, por nuk e përjashtojnë mundësinë që në të njëjtën ditë të votohet edhe për formimin e qeverisë së re.

Nënkryetari i PDK-së, Rexhep Hoti, thotë se kryetari i PDK-së, Kadri Veseli, ka bërë një ofertë për votimin e institucioneve duke u tërhequr nga kandidatura për kryeparlamentar, me kusht që LAA dhe VV ta votojnë kandidatin tjetër të PAN-it dhe Haradinajn për Kryeministër, raporton RTV21.

-Advertisement-

“Deri të enjten kanë kohë të përgjigjen në ofertën e Veselit”, tha Hoti.

Por, në koalicionin LAA dhe Vetëvendosje thonë se nuk do ta votojnë Kadri Veselin për kryetar të Kuvendit dhe as formimin e qeverisë ku bën pjesë edhe PDK-ja.

Shefi i Grupit Parlamentar LAA, Avdullah Hoti, thotë se ky koalicion nuk e voton Veselin për kryeparlamentar.

“Qëndrimi i koalicionit LAA është i qartë. Nuk e votojmë Kadri Veselin për kryetar të Kuvendit”, tha Hoti.

Mirëpo, Hoti është i bindur se të enjten Kadri Veseli do të zgjidhet kryetar i Kuvendit, kurse Ramush Haradinaj kryeministër.

“Janë numrat dhe Veseli të enjten zgjidhet kryetar i Kuvendit”, tha ai. /Telegrafi/

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme