Hoti kritikon Qeverinë për koston e jetesës, e merr shembull kryeministrin e ri britanik: Duhet të ulen ngarkesat tatimore për familjet
Autori: Gazeta inFokus
10:57 | 21 July 2026
Deputeti i Lidhjes Demokratike të Kosovës, Avdullah Hoti, ka kritikuar Qeverinë e Kosovës për mënyrën se si, sipas tij, po e trajton rritjen e kostos së jetesës, duke thënë se në vend të lehtësimit të barrës për qytetarët, po e rëndon atë edhe më shumë, shkruan Gazeta Infokus.
Sipas Hotit, një nga vendimet e para të Kryeministrit të ri të Mbretërisë së Bashkuar ishte ulja e ngarkesave tatimore në faturat e energjisë elektrike, si masë për të ulur koston e jetesës për familjet. Ai theksoi se masa të ngjashme janë ndërmarrë më herët edhe nga disa qeveri të Bashkimit Evropian.
Në Kosovë, sipas tij, ka ndodhur e kundërta.
“Jo që nuk janë ulur ngarkesat tatimore në faturat e energjisë, por energjia është shtrenjtuar disa herë,” ka deklaruar Hoti.
Ai ka shtuar se edhe në rastin e naftës, rritja e çmimeve në tregjet ndërkombëtare është bartur drejtpërdrejt te konsumatori, ndërsa meqenëse TVSH-ja llogaritet mbi çmimin e produktit, qytetarët paguajnë më shumë tatim sa herë që rritet çmimi i karburanteve.
Sipas tij, vendosja e çmimit maksimal ditor për naftën ka bërë që Qeveria ta transferojë zyrtarisht te konsumatori përfundimtar koston e rritjes së çmimit të furnizimit.
Hoti ka paralajmëruar se mosveprimi i Qeverisë do të ketë pasoja afatgjata në zhvillimin e vendit. Ai vlerëson se kur çmimet e produkteve bazë, si energjia, rriten përtej trendit normal, familjet detyrohen të reduktojnë shpenzimet për arsim, shëndetësi, cilësinë e ushqimit, kulturë dhe rekreacion.
“Kjo mund të ketë pasoja të rënda dhe afatgjata, sidomos për fëmijët dhe familjet me të ardhura të ulëta,” ka theksuar ai.
Sipas Hotit, në situata të tilla është thelbësore që shteti të ndërhyjë për të parandaluar uljen e konsumit të familjeve për nevojat elementare, duke marrë përsipër një pjesë të rritjes së kostos së jetesës përmes uljes së ngarkesave tatimore.
Ai ka përfunduar se ulja e barrës tatimore sot është më pak e kushtueshme për shtetin sesa pasojat që, sipas tij, do të shkaktohen në të ardhmen nga familjet që detyrohen të heqin dorë nga nevojat bazike.
“Nuk mjafton të maten vetëm të hyrat që mbledh shteti. Qeverisja e mirë matet me trendin e mirëqenies së qytetarëve”, ka përfunduar Hoti.

T� tjera
-
Incidenti jashtë shtëpisë së Jakup Krasniqit, pjesëtari i EULEX-it dyshohet se ia drejtoi armën një familjari
Jakup Krasniqi ka përfunduar edhe vizitën e tretë me radhë në shtëpinë e tij ...
-
IKSHPK bën thirrje për vaksinimin e fëmijëve kundër fruthit: Mund të shkaktojë komplikime serioze, madje edhe vdekje
Instituti Kombëtar i Shëndetësisë Publike të Kosovës, ka bërë thirrje për vak...
-
Mrekullia e kësaj vitamine për organizmin, ja përfitimet e jashtëzakonshme që mund të sjellë për shëndetin tuaj
Omega-3 është një nga përbërësit e rëndësishëm për organizmin e njeriut, pasi...
-
Arrestohet një polic në Kllokot, IPK zbulon dyshimet se në çfarë rasti u përfshi
Hetuesit e Inspektoratit Policor të Kosovës kanë arrestuar një zyrtar policor...
-
BQK lanson Sistemin e Pagesave të Shpejta, Kurti: Rëndësia e tij, përtej avancimit teknologjik
Kryeministri i Republikës së Kosovës, Albin Kurti, mori pjesë në lansimin e S...
-
KEK-u arrin marrëveshje me sindikatat, të gjithë punëtorët do të përfitojnë bonus
Korporata Energjetike e Kosovës ka njoftuar se sot është zhvilluar një takim ...
-
Ganimete Musliu vlerëson kontributin e Prof. Dr. Kimete Canajt në ruajtjen e trashëgimisë albanologjike
Deputetja e Partisë Demokratike të Kosovës, Ganimete Musliu, ka marrë pjesë n...
-
Përfundon vizita e ditës së tretë e Jakup Krasniqit në shtëpinë e tij
Ka përfunduar vizita e ditës së tretë e ish-kryetarit të Kuvendit të Kosovës,...
-
KFOR-i, EULEX-i, Policia dhe FSK-ja stërviten me “Shpatën e Artë”
Misioni i KFOR-it, EULEX-i dhe Policia e Kosovës kanë zhvilluar ushtrimin e p...
-
Kuvendi drejt seancës së re, Kryesia mblidhet më 23 nëntor
Kryesia e Kuvendit të Kosovës do të mbajë mbledhjen e radhës të hënën, duke f...
-
IKKL dhe MPJD me memorandum për promovimin ndërkombëtar të fakteve mbi kri*met e luf*tës në Kosovë
Instituti i Krimeve të Kryera Gjatë Luftës në Kosovë dhe Ministria e Punëve t...
-
Mblidhet PDK, Çitaku: Javën e ardhshme vijnë strategjia shtetërore për apelin dhe iniciativa e re ligjore për Dhomat e Specializuara
Partia Demokratike e Kosovës mbajti sot një takim të përbashkët të Kryesisë, ...
































