Lajme

Hoti i reagon Faton Pecit: Qenka nxehur Peci, mos u ngut, çka po bëni të hënën në Bruksel?

Autori: Gazeta inFokus 16:32 | 24 February 2023

Ish-kryeministri Avdullah Hoti ka reaguar ndaj deklaratave të ministrit të Bujqësisë, Faton Peci, i cili e quajti Hotin “manipulant”, duke i përmendur ryshfete e vjedhjen e 1.4 milion eurove.

Këtyre deklaratave të ministrit Peci, Hoti iu ka kundërpërgjigjur duke thënë se ai është “i fortë në zanatin e sharjeve ndaj kundërshtarëve politik”.

“E vërteta dhemb, por e çliron njeriun. Mashtrimet nuk kalojnë. Mos u ngut. Sharjet nuk t’i kam borxh as unë dhe as partia ime” shkroi mes të tjerash Hoti.

-Advertisement-

Ai madje e pyeti Pecin se çfarë do të bëjë Qeveria të hënën, në takimin e dialogut në Bruksel.

Ky është statusi i plotë i Hotit:

Qenka nxehur z.Peci. I paskan djegur shifrat zyrtare që i kam publikuar në mëngjes. I fortë është në zanatin e tij të sharjeve ndaj kundërshtarëve politik, në veçanti të atyre nga shtëpia e tij e vjetër politike. E vërteta dhemb, por e çliron njeriun. Mashtrimet nuk kalojnë. Mos u ngut. Sharjet nuk t’i kam borxh as unë dhe as partia ime.

Me këtë rast, dëshiroj të të pyes: Çfarë po bëni të hënën në Bruksel? A kalon apo nuk kalon…. ZAJEDNICA?!

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €

Të tjera

Fokusi

lajme