Lajme

Holanda me mocion i kërkon BE-së të vendosë restrikcione ndaj Serbisë

Autori: Gazeta inFokus 14:36 | 12 December 2022

Dhoma e Përfaqësuesve të Holandës ka kërkuar nga Komisioni Evropian që të krijojë më shumë opsione në mënyrë që ta ndalojë Serbinë të anëtarësohet në Bashkimin Evropian.

Mocioni i bën thirrje Brukselit të dalë me një procedurë të re pranimi për vendet kandidate në BE, transmeton Klan Kosova.

Për shembull, duhet të jetë e mundur vendosja e sanksioneve ndaj shteteve kandidate që nuk përputhen mjaftueshëm me politikën e jashtme të BE-së, siç është ngrirja e procesit të anëtarësimit.

-Advertisement-

Sipas tyre, politika e jashtme e Serbisë ishte ende 64 për qind në përputhje me atë të BE-së vitin e kaluar, por kjo do të bjerë në 45 për qind në vitin 2022.

Përveç kësaj, Serbia po minon gjithnjë e më shumë politikën e BE-së duke mbështetur Rusinë dhe duke mos bashkëpunuar me sanksionet evropiane, thuhet në mocion.

Për shkak të “luftës kriminale të nisur nga Rusia kundër Ukrainës”, është “më e rëndësishme se kurrë” që vendet kandidate dhe vendet anëtare të BE-së të mbështesin politikën e BE-së, shkruan deputeti i VVD-së, Jeroen van Wijngaarden, i cili ka dorëzuar mocionin.

Serbia është i vetmi vend në Evropë përveç Bjellorusisë që nuk i mbështet sanksionet evropiane kundër Moskës që nga pushtimi i Ukrainës.

Presidenti serb Aleksandar Vuçiç e quajti më parë presionin ndërkombëtar për të mbështetur sanksionet “një gjueti shtrigash”.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme