Sport

Historia e jashtëzakonshme/ Si e mposhti sëmundjen e rëndë futbollisti finlandez

Autori: Gazeta inFokus 08:38 | 12 September 2024

Ilmari Niskanen, 26 vjeç, ishte një lojtar që vizitoi “Wembley”-n mbrëmë me Finlandën.

Në fakt ai është i vetmi futbollist finlandez që aktualisht luan në Angli, duke qenë mbrojtës krahu për Ekseter Sitin e Ligës së Parë.

Por pas emrit të tij fshihet edhe një fabul e jashtëzakonshme, kur në moshën 18-vjeçare, pak përpara kryerjes së shërbimit ushtarak, ai pësoi një krizë.

-Advertisement-

Skaneri më pas zbuloi se ai kishte një tumor në tru.

Por, Niskanen ruajti gjakftohtësinë dhe zbatoi rigorozisht të gjithë procesin e rikuperimit.

Lojtari i kombëtares nordike, i cili ka luajtur 20 ndeshje, tha për “The Times”:

“Sigurisht, ishte një tronditje e madhe, por unë isha ende i qetë. Ishte e vështirë, veçanërisht për familjen dhe miqtë e mi, por për disa arsye në fakt isha pa stres.

Gjatë gjithë procesit, unë i besova mjekut. Ndihesha sikur mezi prisja me padurim operacionin, për të hequr qafe tumorin.

Më kujtohet edhe një natë para operacionit, po ndihesha shumë mirë dhe isha i lumtur që mund ta kaloja atë tani dhe të hiqja tumorin dhe të jetoja normalisht.

Kujdesi shëndetësor është aq i mirë sa kam qenë në gjendje të jem aq i qetë shumicën e kohës gjatë gjithë procesit”. Niskanen e fitoi luftën dhe u nis në huazim tek Ingolshtadi në Gjermani.

Por pasi humbi vendin e tij të titullarit, ai humbi mundësinë për të përfaqësuar vendin e tij në “Euro 2020”.

Ai më pas u drejtua në brigjet britanike, fillimisht me Dandi Junajtid për 2 vite përpara se të përfundonte tek Ekseteri vitin e kaluar.

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!
-Advertisement-

Të tjera

Fokusi

sport