Avokati Hilmi Jashari, i cili ka qenë edhe avokati i Popullit, ka folur për sistemimin e Agjencisë për Ndihmë Juridike Falas (ANJF), në kuadër të Ministrisë së Drejtësisë.

Sipas tij, të gjitha praktikat ndërkombëtare janë që këtij mekanizmi t’i ofrohet pavarësia e që në rastin e këtij ligji ka shumë nene që prekin pavarësinë e këtij mekanizimi.

“Sipas standardeve ndërkombëtare tri janë kryesore, e para është mënyra e emërimit të udhëheqësit të Agjencionit që ka të bëjë me mënyrën e përzgjedhjes së tij, e dyta ka në aspektin buxhetor, nga kush financohet ai autoritet dhe e treta raportimi ose mbikëqyrja ose qysh e quajmë ne llogaridhënia, kujt i raporton ai autoritet dhe cilat janë mundësitë e këtij autoriteti pastaj për të vendosur përgjegjësinë dhe llogaridhënien për këtë autoritet i cili supozohet me një situatë të ketë mund për shembull me vepru kundër ligjit”, ka thënë ai.

Sipas Jasharit mjafton veç një kriter siç është buxheti që të afektohet dhe më nuk bëhet fjalë për mekanizëm të pavarur por për një mekanizëm që është nën kontrollim e degës së ekzekutivit, në këtë rast Ministrisë së Drejtësisë.

Sipas avokatit Jashari, mjaft problematike mbetet edhe neni 13 i këtij ligji, i cili ndër të tjera i jep kompetenca e Ministrisë dhe thuhet se Ministria është përgjegjëse për planifikimin e prioriteteve në ofrimin e shërbimeve juridike falas në vartësi të burimeve financiare ose buxhetore në ofrimin e këtij shërbimi. Sipas, tij qytetarët duhet të marrin ndihmë juridike në bazë të kritereve të përcaktuar e jo kur Ministria do të ketë buxhet ose jo.

“Kushtëzimi i kësaj dispozite në formimin çfarë e ka len me kuptu që ofrimi i shërbimit të ndihmës juridike do të përcaktohet mbi bazën e prioriteteve dhe jo kritereve për ofrimin e shërbimit të ndihmës juridike por mbi bazën e prioriteteve që përcaktojnë në vartësi të burimeve financiare që asnjëherë nuk guxon me ra në vartësi sepse siç thash është detyrim i shtetit për të ofrua ndihmën juridike falas gjithë atyre personave që i plotësojnë kriteret për shkak se nuk janë në mundësi ekonomike për mi leju vetes një përfaqësim tek autoritetet përkatëse”, ka thënë Jashari e që sipas tij ky kriter mund të konsiderohet në kundërshtim me standardet ndërkombëtare./BetimipërDrejtësi

Coffee Show B2B në Zagreb nga Devolli Corporation

Sponsoruar