Sport

Higuain te Chelsea, ja derbi ku do të debutojë argjentinasi në Londër

Autori: Gazeta inFokus 09:55 | 18 January 2019

Gonzalo Higuain do ta ndryshojë përsëri fanellën e tij. Pas vetëm gjashtë muajsh te Milani, sulmuesi argjentinas duket se ka zgjedhur Chelsea-n e Sarrit, si destinacion të ri. Mbërritja e tij në Londër pritet në ditët e ardhshme.

Sipas raporteve të “La Gazzetta dello Sport”, Higuain do të fluturojë drejt Anglisë për vizitat mjekësore dhe kontaktin e parë me mjedisin blu. Derbin e Londrës nuk do ta luajë nesër, kundër Arsenalit, por debutimi i tij me fanellën e re është planifikuar për në derbin tjetër, në “Stamford Bridge”, kundër Tottenhamit, në gjysmëfinalen e kthimit të “Carabao Cup”.

Duket se gjithçka është përcaktuar tashmë në bazë të huazimit për gjashtë muaj, me të drejtë rinovimi për një tjetër 12-mujor, çka lidhet me numrin e ndeshjeve të luajtura dhe golave të shënuar. Mbas kësaj gjëje, mund të vijë edhe blerja përfundimtare e lojtarit nga Chelsea.

-Advertisement-

Shifra e kërkuar nga Juventusi për argjentinasin, kartonin e të cilit e posedon, është rreth 45 milionë euro. Trajneri Maurizio Sarri do të jetë në gjendje të ribashkohet me Higuain, pas gjërave të jashtëzakonshme, që bënë së bashku te Napoli. “Pipita” po e lë Milanin; e ardhmja e tij flet anglisht…