Lajme

Hidhet mjet shpërthyes drejt gazetarëve në veri, prezent edhe policët e Kosovës

Autori: Gazeta inFokus 21:25 | 20 December 2022

Pak minuta më parë është hedhur një mjet shpërthyes në drejtim të të një ekipi televiziv në Lagjen e Boshnjakëve në veri, ku në afërsi gjendej edhe një veturë e Policisë së Kosovës.

Sipas tëvë1, shpërthimi i hedhur në drejtim të ekipit të gazetarëve ka qenë mjaft i fuqishëm dhe se në momentin e shpërthimit prezent kanë qenë edhe pjesëtarët e Policisë së Kosovës.

-Advertisement-

“Shpërthimi ishte i fortë. Nuk kemi arritur të shohim ata që e gjuajtën, por në momentin e shpërthimit ishin afër edhe Policia. Nga ajo çka mund të shihnin ata ishin diku 5-6 persona të organizuar të cilët e hodhën mjetin e fortë shpërthyes”, ka thënë gazetari i televizionit që ishte pjesë e ekipit.

Ai ka thënë se nga shpërthimi nuk ka pasur të lënduar.