Lajme

Haziri takim me qytetarët: Gjilani e Anamorava janë kryengritë për ndyshim, LDK, besë dhe shpresë për Kosovën

Autori: Gazeta inFokus 17:53 | 22 November 2024

Kryetari i degës së Lidhjes Demokratike të Kosovës në Gjilan Lutfi Haziri, ka ndarë momente nga takimi me qytetarët në këtë qytet, shkruan Gazeta Infokus.

Ai përmes një postimi në “Facebook”, ka thënë se Gjilani e Anamorava janë kryengritë për ndryshim.

“Gjilani e Anamorava janë kryengritë për ndyshim. Po vazhdojmë takimet me qyetarët deri me 30 nëntor, ku pritet që kryetari i LDK-së, prof. dr. Lumir Abdixhiku, të perfundojë turneun e ndryshimit me gjilanasit. Ndërkaq, nëse nuk duam ta shohim mungesën e pjesës solemne dhe ceremoniale që po i mungon adresimit vjetor të Presidentes, ku duhet të jenë të gjithë akterët politikë, institucionalë dhe perfaqësues në sallën solemne të Kuvendit të Republikës, aty ku sovraniteti i Kosovës përfaqësohet më së miri përkundër dallimeve dhe ku bojkoti i disa partive ndaj fjalimit të Presidentes po vazhdon, atëherë mund të themi se Presidentja u rreshtua në krahë të aleatëve dhe e konfirmoi izolimin politik ndaj Kurtit dhe bashkëndimtarëve të tij, ku hyjnë edhe ish-koleget e saj, ministra e deputetë”, ka shkruar Haziri.

-Advertisement-

Ndryshe ai tha se rruga e re në krye me Lumir Abdixhiku është shpëtimi i një jete dhe të ardhme më të mirë.

“Atdhe më të mirë nuk ka, por jetë me të mirë ka. Kjo është e mundshme me ndryshimin e madh në formë kryengritjeje më 9 shkurt, duke ndëshkuar këta që Kosovës i sollën depresion të thellë politik e ekonomik, këta që e polarizuan skenën politike, këta që mashtruan e keqinterpretuan realitete me lehtësi të padurueshme, këta që shkaktuan korrupsion masiv në të gjitha nivelet dhe që qeverisjen e konstruktuan në rehatimet në vende pune të kunatave, balldëskave e baxhanakëve.   A po e shihni se ata që e pshtyjnë të kaluaren, nuk premtojnë të ardhmen kurrë?!  Rruga e Re në krye me prof. dr. Lumir Abdixhikun, është shpëtimi. LDK, besë dhe shpresë për Kosovën!”, ka shkruar tutje Hazhiri.

Më poshtë gjeni postimin e tij të plotë:

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme