Lajme

Haxhiu: Nuk do të shkojmë në seancë

Autori: Gazeta inFokus 09:03 | 03 January 2018

Katër deputetët e VV-së të cilët akuzohen për hedhjen e gazit lotsjellës nuk do të shkojnë sot në seancën gjyqësore ku pritet të shpallet vendimi ndaj tyre.

“Ne, deputetët e akuzuar, nuk do të jemi në seancë për të dëgjuar një aktgjykim politik! Sigurisht që nesër do duhej të nxirrej aktgjykim lirues dhe jo fajësues por duke e parë kapjen e këtij sistemi të drejtësisë, kjo duket e pamundur. Por pavarësisht kësaj edhe gjyqtari Kalludra por edhe të tjerët që e kanë bishtin e zënë me derë, e kanë të qartë se pavarësisht dënimeve që mund të marrim, do të veprojmë në mbrojtje të vendit gjithnjë”, ka shkruar Haxhiu në Facebook

Seancat e kaluara Haxhiu dhe Faton Topalli merrnin pjesë në seancë duke shkuar nga shtëpia ndërsa Albin Kurti dhe Donika Kadaj-Bujupi nga paraburgimi pasi që nuk iu kishin përgjigjur ftesave të gjykatës.

-Advertisement-

Subscribe në YouTube: GAZETA INFOKUSI