Lajme

Hashim Thaçi: Njohja nga Serbia e heq veton ruse

Autori: Gazeta inFokus 10:31 | 13 September 2018

Presidenti i Kosovës, Hashim Thaçi tha se demarkimi i kufirit me Serbinë nënkupton njohje të Kosovës nga Serbia dhe zhbllokim të njohjeve ndërkombëtare të vendit.

Në një konferencë për shtyp në Prishtinë, Thaçi tha se një marrëveshje e Kosovës me Serbinë është duke fituar mbështetje rajonale e ndërkombëtare.

Këto komente Thaçi i bëri pas një turi vizitash që bëri dy ditët e fundit në Podgoricë e Shkup.

-Advertisement-

“Nuk mund të ketë njohje reciproke pa përmbylljen e demarkimit të kufirit. Korrigjimi i kufirit i mundëson Kosovës njohje nga Serbia, automatikisht, dhe bashkimin e Preshevës, Medvegjës e Bujanocit me Kosovën si dhe njohjen e Kosovës nga 5 vendet e BE-së. Njohja nga Serbia nënkupton edhe heqjen e vetos ruse”, tha Thaçi.

“Të gjithë janë për dialog, të gjithë janë për negociata dhe të gjithë do ta mirëprisnin një marrëveshje”, shtoi ai.

Subscribe në YouTube: GAZETA INFOKUSI
Etiketa:
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme