Lajme

Haradinaj tregon nëse do t’i vendosë taksë edhe Shqipërisë

Autori: Gazeta inFokus 15:43 | 23 May 2019

Kryeministri i Kosovës, Ramush Haradinaj ka thënë se shpreson që të zgjidhen problemet e tregtisë që Kosova ka me Shqipërinë, derisa nuk ka pohuar e as mohuar nëse do t’i vendoset taksë edhe Shqipërisë.

Kreu i Dhomës së Tregtisë dhe Industrisë në Shqipëri, Nikolin Jaka ka thënë se qeveria kosovare i ka bërë një paralajmërim të fortë dje qeverisë shqiptare, ku i ka thënë se nëse nuk shikon barrierat e vendosura për disa produkte atëherë brenda dy muajsh do të përballet me reciprocitet nga pala kosovare.

Haradinaj, i pyetur sot lidhur me mundësinë e vendosjes së barrierave tarifore ndaj Shqipërisë, ka thënë se “shpresoj që të zgjidhen këto probleme.”

-Advertisement-

“Me Shqipërinë kemi marrëdhënie të mira, por kemi disa mosmarrëveshje që lidhen me tregtinë, për tregun dhe shpresoj që do t’i zgjedhim”, ka thënë Haradinaj.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme