Lajme

Haradinaj pas tërmetit në Turqi: Të bëhet një fond emergjent dhe të ofrohet ndihma e FSK-së

Autori: Gazeta inFokus 08:43 | 06 February 2023

Kreu i AAK-së, Ramush Haradinaj, është shprehur thellë i prekur me tërmetin në Turqi që la qindra të vdekur e plagosur.

Në këtë situatë ai i ka propozuar qeverisë “ndarjen e një fondi emergjent për ofrimin e ndihmave të nevojshme humanitare dhe ofrimin e ndihmës së njësive operacionale nga FSK-ja”.

Postimi i tij i plotë:

-Advertisement-

I prekur thellë nga ngjarjet tragjike pas tërmetit të fuqishëm që goditi sot Turqinë. Mendimet tona janë me familjet e viktimave dhe të plagosurit. Në këto rrethana të vështira për popullin e Turqisë, lutemi që kjo gjendje të kalojë me sa më pak viktima dhe me sa më pak dëme!

I propozoj Qeverisë së Kosovës ndarjen e një fondi emergjent për ofrimin e ndihmave të nevojshme humanitare dhe ofrimin e ndihmës së njësive operacionale nga FSK-ja.

Subscribe në YouTube: GAZETA INFOKUSI