Lajme

Haradinaj nis takimet në ShBA: Amerika nuk është vetëm aleati ynë kryesor, është atdhe për mijëra shqiptarë

Autori: Gazeta inFokus 17:35 | 07 May 2022

Ish- kryeministri i Kosovës, Ramush Haradinaj po qëndron për një vizitë disa ditore në Shtetet e Bashkuara të Amerikës ku do të realizojë një mori takimesh me kongresmenë, anëtarë të administratës Biden dhe takime tjera të rëndësishme.

Haradinaj sot ka vizituar Federatën Pan-Shqiptare të Amerikës “Vatra”. Këtë e ka bërë të ditur vet Haradinaj përmes një postimi në llogarinë e tij në Facebook.

“Amerika nuk është vetëm aleati ynë kryesor strategjik. Ajo është atdhe për mijëra e mijëra shqiptarë, që në rrethana të ndryshme u larguan nga vendi, e tanimë kanë jetën e tyre në Shtetet e Bashkuara”.

-Advertisement-

“Pata kënaqësinë të vizitoj sot Federatën Pan-Shqiptare të Amerikës “Vatra”. Biseduam së afërmi për zhvillimet e përgjithshme politike në Kosovë dhe rajon si dhe për rolin e rëndësishëm që ka diaspora, veçanërisht lobi shqiptaro-amerikan”, ka shkruar Haradinaj.

Haradinaj ka theksuar se shqiptaret edhepse kaluan Atlantikun, asnjëherë nuk u shkëputën nga trungu.

“Ritheksova nevojën e përkrahjes së tyre për Kosovën e sigurt, pjesë të NATO-s, si dhe për ndihmën e nevojshme për zhvillim në shumë fusha, veçanërisht në ekonomi. Ishte fat historik për shqiptarët, që edhepse bijtë e tyre kaluan Atlantikun, asnjëherë nuk u shkëputën nga trungu, asnjëherë nuk e harruan Atdheun.
Zoti i bekoftë shqiptarët, Zoti i bekoftë Shtetet e Bashkuara të Amerikës”, ka përfunduar Haradinaj.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme