Lajme

Haradinaj nga Juniku: Aleanca ka vendosur t’i japë fund kësaj qeverie humbëse

Autori: Gazeta inFokus 22:45 | 15 December 2023

Kryetari i Aleancës për Ardhmërinë e Kosovës, Ramush Haradinaj, ka takuar në Junik grupin koordinues të degëve të rajonit perëndimor.

Ai ka thënë se në këtë takim kanë dalë me konkluzion që AAK nuk ka qenë kurrë më e fortë si në organizim e ashtu edhe në pozicion politik.

“Ishte konkluzion i përbashkët që Aleanca kurrë nuk ka qenë më e fortë, si në aspektin organizativ e po ashtu në pozicionin e vet politik, duke qenë të vendosur për t’i dhënë fund kësaj qeverie humbëse e cila ishte vetëshpallur qeveri e shpresës, por vetëm shpresë nuk i dha këtij vendi! Kjo qeveri tradhtoi besimin e secilit qytetar, pasi e solli të kundërtën e asaj që ka premtuar, duke e futur vendin në varfëri e qytetarët në zhgënjim të thellë.”, ka thënë Haradinaj.

-Advertisement-

Ky është njoftimi i plotë:

Në Junik, në takimin e radhës së grupit koordinues të degëve të rajonit perëndimor të vendit zhvilluam një diskutim përmbajtësor për zhvillimet politike, aspektet organizative dhe punët që na presin në vitin 2024.

Ishte konkluzion i përbashkët që Aleanca kurrë nuk ka qenë më e fortë, si në aspektin organizativ e po ashtu në pozicionin e vet politik, duke qenë të vendosur për t’i dhënë fund kësaj qeverie humbëse e cila ishte vetëshpallur qeveri e shpresës, por vetëm shpresë nuk i dha këtij vendi! Kjo qeveri tradhtoi besimin e secilit qytetar, pasi e solli të kundërtën e asaj që ka premtuar, duke e futur vendin në varfëri e qytetarët në zhgënjim të thellë.

Është koha për t’i dalë zot vendit!

Subscribe në YouTube: GAZETA INFOKUSI