Lajme

Haradinaj nga Durrësi: Kosova nuk do të kursejë asgjë për Shqipërinë

Autori: Gazeta inFokus 14:52 | 29 November 2019

Kryeministri i Kosovës, Ramush Haradinaj ka mbërritur në Durrës për të vizituar zonat e prekura nga tërmeti.

Pas tre ditësh që Shqipëria është goditur nga tërmeti vdekjeprurës Haradinaj ka vendosur që sot të vizitojë këtë vend, shkruan gazeta inFokus.

Ai tha se Kosova nuk do të kursejë asgjë për të ndihmuar motrat dhe vëllezërit shqipëtarë.

“Si Kosovë, nuk do të kursejmë asgjë, që vëllezërve dhe motrave tona nga Shqipëria t’u qëndrojmë afër në këto ditë të vështira me shumë dhimbje për ta, por edhe për ne”, tha Haradinaj.

Ai tregoi se sot ka shkuar për të vizituar zonat e prekura nga tërmeti së bashku me një pjesë të kabinetit qeveritar.

“Duke bashkëndjerë me çdo emocion këtë tragjedi që mori shumë jetë njerëzish, sot, bashkë më një pjesë të kabinetit qeveritar, i pritur nga Presidenti i Shqipërisë Ilir Meta, vizitova Durrësin dhe zonat e prekura nga tërmeti për të parë nga afër situatën dhe për t’u dhënë përkrahje të mëtejme, të pandalshme, të gjithë të angazhuarve në përballimin e gjendjes”, shkruan Haradinaj./Gazeta inFokus/

Të tjera