Lajme

Haradinaj në 23-vjetorin e themelimit të AAK-së në Ferizaj: I kemi sjellur qytetit të arritura dhe suksese të dukshme

Autori: Gazeta inFokus 20:13 | 18 May 2023

Kryetari i Aleancës për Ardhmërinë e Kosovës (AAK), Ramush Haradinaj ka takuar strukturat e këtij subjekti politik në Ferizaj me rastin e 23-vjetorit të themelimit të degës në këtë komunë.

Haradinaj me këtë rast ka falënderuar strukturat e AAK-së në Ferizaj për kontributin e dhënë përgjatë gjithë këtyre viteve.

“Në shënim të 23-vjetorit të krijimit të degës së AAK-së në Ferizaj, takova strukturat tona, asamblistët dhe drejtorët e Aleancës në këtë komunë. Rast i mirë që gjithashtu të falënderoj secilin për kontributin e dhënë në zhvillimin e Aleancës ndër vite, në veçanti kryetarët e dikurshëm që kanë udhëhequr degën”, ka thënë Haradinaj.

-Advertisement-

Ai ka shtuar se AAK në këtë komunë në bazë të fuqisë që ka në bashkëqeverisje, ka sjellur suksese të dukshme.

“Nën udhëheqjen e kryetarit, z. Xhavit Zariqi, dhe falë strukturave aktuale, Aleanca në Ferizaj është e konsoliduar dhe ka krijuar një bazë të qëndrueshme. Në bazë të fuqisë që ka në qeverisjen komunale Aleanca i ka sjellur Ferizajit të arritura dhe suksese të dukshme.”, tha ai.

“Mbetemi të vendosur që të mos ndalemi me punë!”, është shprehur Haradinaj.

Postimi i plotë:

Subscribe në YouTube: GAZETA INFOKUSI
Etiketa:
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme