Lajme

Haradinaj kujton Agim Ramadanin: Ka qenë njëri nga komandantët më të shquar të UÇK-së

Autori: Gazeta inFokus 10:39 | 11 April 2023

Kryetari i Aleancës për Ardhmërinë e Kosovës (AAK) Ramush Haradinaj, në 24 vjetorin e rënies heroike të komandantit Agim Ramadani, ka thënë se ai ka qenë njëri prej komandantëve më të shquar të Ushtrisë Çlirimtare të Kosovës.

“Sot, 24 vjet pas rënies heroike, me respekt të thellë e kujtojmë Agim Ramadanin – Komandant “Katana”, njërin prej komandantëve më të shquar të Ushtrisë Çlirimtare të Kosovës”, ka shkruar Haradinaj në Facebook.

Poashtu, Haradinaj ka kujtuar edhe trimat e tjerë të UÇK-së që ishin të udhëhequr nga komandanti i tyre Agim Ramadani.

-Advertisement-

“Kujtojmë sot trimat e UÇK-së, heronjtë e thyerjes së kufirit mes shqiptarëve, Abush Loku, Bashkim Jasiqi, Ramiz Krasniqi, Rifat Çelaj, Arben Jusufi, Driton Veliu, Emri Curri, Harun Beka, Rifat Salihaj, Rrahman Tafa dhe Sylejman Shala, të udhëhequr nga Agim Ramadani, luftëtari, strategu e artisti që kishte kuptuar konceptin e lirisë në thellësinë e tij”.

“Rënia e tyre heroike 24 vjet më parë ishte humbje e madhe për UÇK-në, por po aq e madhe ishte vendosmëria për ta vazhduar rrugën drejt lirisë. Lavdi e përjetshme Agim Ramadanit dhe gjithë dëshmorëve që u flijuan për lirinë e Kosovës”, tha Haradinaj.

Subscribe në YouTube: GAZETA INFOKUSI
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme