Lajme

Haradinaj i kundërpërgjigjet Kurtit për 200 hektarët

Autori: Gazeta inFokus 16:24 | 14 December 2021

Kryetari i Aleancës për Ardhmërinë e Kosovës dhe njëherit deputeti i Kuvendit të Kosovës nga kjo parti, Ramush Haradinaj, i është përgjigjur propozimit të kryeministrit, Albin Kurti, lidhur me 200 hektarët, shkruan Gazeta Infokus.

Haradinaj iu përgjigj Kurtit në kuvend duke thënë se ai e ka riblerë tokën e babait të tij në Gllogjan.

“Kurti saherë po don me fshehë prej pazotësi të tij po thotë se i ka ble 200 hektarë tokë. Po është e vërtetët z.Kurti. Me Ligjet e Kosovës, në kohën e OKB-së, e kam shfrytëzuar një të drejtë ligjore që ka mundur edhe një shtetas së huaj, e kam riblerë tokën e babait tim, është në Gllogjan, në katundin tim, nuk është një metër tjetër kund”, është kundërpërgjigjur deputeti Haradinaj.

-Advertisement-

Ky reagim erdhi pas propozimit qe bëri kryeministri Kurti në kuvend, i cili tha që Haradinaj t’i kthejë 200 hektarë tokë në shtet, në mënyrë që ai t’ia jap 70 mijë euro./Gazeta Infokus/

LEXO EDHE: Kurti ka një propozim për Haradinaj: “Ktheni 200 hektar dhe ne t’i japim 70 mijë euro”

Subscribe në YouTube: GAZETA INFOKUSI