Lajme

Haradinaj fton në Kosovë Pete Maroccon

Autori: Gazeta inFokus 13:54 | 26 May 2018

Kryeministri i Republikës së Kosovës Ramush Haradinaj gjatë qëndrimit në Tiranë, ku po merr pjesë në takimin e 15-të të Evropës Juglindore, ka zhvilluar një takim pune me zëvendës-ndihmës sekretarin Amerikan të Shtetit për çështjen e Parandalimit të Konflikteve, Pete Marocco.

Kryeministri Haradinaj e ka njoftuar zëvendës-ndihmës sekretarin Marocco për progresin e arritur në Kosovë, me theks të veçantë në fushën e sundimit të ligjit, parandalimin e radikalizmit ekstrem, rritjen e qëndrueshme ekonomike prej 4.4% dhe për arritjen e mbajtjes së borxhit publik të ulët.

“Kosova dhe populli i saj janë të përkushtuar për rrugën evropiane dhe anëtarësim në Aleancën Veriatlantike NATO”, tha kyeministri Haradinaj duke e ftuar zëvendës-ndihmës sekretarin Marocco që të vizitojë Kosovën dhe të njoftohet nga afër me punën dhe të arriturat e vendit.

-Advertisement-

Sipas një komunikate të Qeverisë, kryeministri Haradinaj, e ka falënderuar Zëvendës-Ndihmës Sekretarin Marocco për ndihmën e çmuar të Shteteve të Bashkuara të Amerikës dhënë në vazhdimësi Kosovës.

Zëvendës-Ndihmës Sekretarin Marocco e përgëzoi Kosovën për të gjitha arritjet e saja për një dekadë të shtetësisë, dhe siguroi se vëmendja amerikane do të vazhdojë të jetë e fokusuar rreth Ballkanit dhe Kosovës.

Subscribe në YouTube: GAZETA INFOKUSI