Lajme

Haradinaj: Albulena Haxhiu po bëhet avokate e Martin Berishajt

Autori: Gazeta inFokus 11:11 | 28 April 2022

Lideri i Aleancës për Ardhmërinë e Kosovës, në seancën plenare të Kuvendit ka thënë se ministrja e Drejtësisë, Albulena Haxhiu në vend që të bëjë thirrje që të respektohet ligji në rastin e Berishajt po e luan rolin e avokates së tij.

Haradinaj ka thënë se, Haxhiu dhe LVV-ja duhet ët shohin se deri ku kanë arritur në këtë rast dhe të respektojnë ligjin.

“Pash zote veq a jeni tu e pa ku keni mbrri, a kanë qenë realisht këto qëllimet dhe standardet tuaja. Veç a jeni tu e pa ku keni mbrri. E pakta që pritet prej ministres së Drejtësisë është me dal edhe me thanë që ligji është i njejt për të gjithë dhe duhet të zbatohet edhe për Martin Berishajn e jo të luajë rolin e avokates”, ka thënë Haradinaj.

Këto reagime kanë ardhur pasi partia në pushtet, i ka dalë në mbrojtje Martinajt gjatë seancës duke thënë se derisa të merret një vendim nga Gjykata, i njëjti nuk do të shkarkohet nga posti i tij si ambasador./Gazeta Infokus/

Të tjera