Lajme

“Handikos” rrezikon të mbyllet

Autori: Gazeta inFokus 14:32 | 24 December 2023

“Shoqata e paraplegjikëve dhe paralizës së fëmijëve të Kosovës” rrezikon të mbyllet në mungesë të mbështetjes financiare.

Të shqetësuar janë shprehur personat me aftësi të kufizuar, e familjarë të tyre të cilët thonë se shërbimet e marra ndër vite në këtë qendër u kanë ndihmuar shumë. Vetëm këtë vit rreth 350 personave me aftësi të kufizuar u janë ofruar shërbime nga “Handikos”.

Shërbimet të cilat i merrnin që gati dy dekada në Shoqatën “Handikos”, personat me aftësi të kufizuar që jetojnë në Prishtinë, rrezikojnë të mos i marrin më.

-Advertisement-

Kjo pasi e njëjta rrezikon të mbyllet në mungesë të mbështetjes financiare.

Të shqetësuar janë shprehur familjarë të këtyre personave, të cilët thonë se kostoja për marrjen e shërbimeve jashtë kësaj qendre është e shumë e lartë.

Drejtori i “Handikos”, Afrim Maliqi, tha se nuk kanë marrë asnjë përgjigje nga Komuna e Prishtinës e institucionet tjera në lidhje me ofrimin e mbështetjes financiare.

Personat me aftësi të kufizuar bashkë me familjarë të tyre kanë paralajmëruar edhe protesta nëse kërkesa e tyre nuk realizohet.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme