Lajme

Halimi i reagon Kurtit: Vendi nuk zhvillohet duke prezantuar realitet fiktiv, por duke ndërhyrë për ta përmirësuar atë

Autori: Gazeta inFokus 16:42 | 14 November 2022

Zëdhënësja e Lidhjes Demokratike të Kosovës, Sibel Halimi, i ka reaguar kryeministrit të vendit, Albin Kurtit, në lidhje me deklaratën e tij sot në Forumin Ekonomik të Vjenës, ku tha se rritja ekonomike tek ne është më e madhja në rajon, shkruan Gazeta Infokus.

Ajo përmes një postimi në “Facebook”, ka thënë se derisa qytetarët të jenë duke u ballafaquar çdo ditë me kriza të shumëfishta, si rezultat i inflacionit dhe rritjes enorme të çmimeve, kryeministrit i është kujtuar të propagandojë për rritje ekonomike.

“Derisa qytetarët janë duke u ballafaquar çdo ditë me kriza të shumëfishta, si rezultat i inflacionit dhe rritjes enorme të çmimeve, kryeministrit i kujtohet të propagandojë për rritje ekonomike, ‘rritje’ e cila është 5 herë e gjysmë më e ultë se inflacioni prej 20% në produkte bazike, sipas Bankës Botërore. Rritjen reale prej 3.7%, mundohen të na e shesin për 4.9%”, ka shkruar Halimi.

-Advertisement-

Ndryshe ajo ka shtuar se Kurti duhet të ketë të qartë se vendi nuk zhcillohet duke prezantuar një realitet fiktiv, por duke ndërhyrë për ta përmirësuar atë.

“Kryeministri, duhet ta ketë të qartë se vendi nuk zhvillohet duke prezantuar realitet fiktiv, por duke ndërhyrë për ta përmirësuar atë. Kjo arrihet me një program vizionar, i cili ngërthen në vete projekte madhore dhe politika të mirëstudiuara fiskale. Vizioni që s’e kanë dhe projektet që s’i pamë, janë arsyeja për pikën ku ramë”, ka shtuar Halimi./Gazeta Infokus/

Më poshtë gjeni postimin e saj të plotë:

Kurti tha se planifikon 4.5 miliardë euro investime në energji

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme