Sport

Guardiola “eliminon” Liverpool: Ja kundër kujt dua të luaj në çerekfinale!

Autori: Gazeta inFokus 15:46 | 13 March 2019

Trajneri i Manchester City, Pep Guardiola, ka mbetur i lumtur nga kualifikimi i të tijve në çerekfinale të Ligës së Kampionëve. E bëri këtë duke eliminuar në raundin e dytë kualifikues të këtij kompeticioni një kundërshtar gjerman, Schalke 04. Rival po nga ky vend dëshiron fituesi i Champions-it me Barcelonën edhe në turin e radhës, shorti për të cilin do të hidhet të premten.

Më konkretisht, uron që të përballet me Bayern Munich, ekipin bavarez, që e ka drejtuar para se të kalonte në “Etihad”. Indirekt, trajneri katalanas bën tifo kundër Liverpool, sepse gjigantët e Bundesligës kanë për të luajtur kundër “Reds” sonte, duke filluar gjithçka nga zero.

I pyetur nëse do të preferonte Bayern apo Liverpool si kundërshtar më tej, Guardiola nënvizoi: “Unë dua të luaj kundër Bayernit, sepse jam pjesë e këtij klubi. E dua Mynihun, e dua Bayernin, kam shumë miq atje”.

-Advertisement-

Subscribe në YouTube: GAZETA INFOKUSI