Sport

Guardiola e kundërshton Premierligën, e mbështet pavarësimin e Katalonisë nga Spanja

Autori: Gazeta inFokus 18:55 | 06 September 2018

Trajneri spanjoll i Manchester Cityt, Pep Guardiola, ka postuar një video, ku i ka mbështetur lojtarët e golfit, përfshirë këtu edhe Tiger Woodsin të cilët i kanë mbajtur fjongot e verdha në kapelat e tyre gjatë një turneu të golfit.

Ai e ka lidhur këtë gjë me fjongon e verdhë që e mbajnë disa persona në Spanjë, si dhe ai, për ta mbështetur referendumin e Katalonisë për pavarësim nga Spanja.

Sezonin e kaluar, edhe ai e kishte mbajtur fjongon e verdhë gjatë ndeshjeve të Premierligës, përkundër gjobave që kishte marrë nga Federata e Futbollit të Anglisë, pasi që dëshironte ta shfaqte mbështetjen e tij për politikanët katalonas. Federata i kishte arsyetuar dënimet duke thënë se një trajner nuk duhet të përpiqet të ndikojë në preferencat politike të tifozëve.

-Advertisement-

47-vjeçari i ka mbështetur lojtarët profesionistë të golfit, të cilët kishin mbajtur fjongon e verdhë në kapelat e tyre për ta mbështetur australianin Jarrod Lylen, i cili tani po ballafaqohet me sëmundjen e gjakut, leukeminë.

“Para disa javëve, lojtarët më të mirë të golfit, përfshirë këtu edhe Tiger Woodsin, luajtën në një turne në Shtetet e Bashkuara të Amerikës dhe gjatë gjithë turneut, ata mbajtën një fjongo të verdhë në kapelat e tyre”, thotë Guardiola në një video të postuar në rrjetet sociale.

“Qëllimi ishte për ta mbështetur Jarrod Lylen, i cili është duke u përballur me sëmundjen e leukemisë. Lojtarët e veshën atë për të qenë afër Jarrodit dhe familjes së tij dhe ata treguan se çfarë roli ka njerëzia në botë”.

“Diçka e ngjashme ka ndodhur edhe në Kataloni gjatë muajve të fundit, ku mijëra e mijëra njerëz kanë mbajtur një fjongo të verdhë për t’u treguar të njerëzishëm drejt qytetarëve të shumtë të cilët janë burgosur vetëm për shkak se i mbrojtën idealet e tyre”.

“Për ju që jeni në Kataloni më 11 shtator, ju falënderojmë shumë për mbështetjen tuaj”.

Gjatë muajve të fundit, ish-trajneri i Barcelonës, ka qenë mjaft i zëshëm për pavarësimin e Katalonisë nga Spanja. Ai e kishte mbajtur edhe sezonin e kaluar një fjongo të verdhe, por për këtë gjë ishte gjobitur nga Premierliga.

 

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

sport