Sport

Guardiola deklarohet para ndeshjes me PSG-në, ka disa fjalë edhe për Lionel Messin

Autori: Gazeta inFokus 17:45 | 27 September 2021

Trajneri i skuadrës së Manchester Cityt, Pep Guardiola, ka folur në konferencë për media para super ndeshjes me PSG-në, shkruan Gazeta inFokus.

Guardiola është pyetur nga gazetarët për Lionel Messin, i cili tashmë luan për skuadrën francez.

Tekniku spanjoll ka thënë se nuk ka nevojë të flas për Messin, por ka shtuar se shpreson që argjentinasi të luaj.

-Advertisement-

“Ne jemi me fat që e shohim atë tash e 15 vite. Nuk kam nevojë të flas për të, apo ta përshkruaj atë. Shpresoj që ai të luajë nesër, për të mirën e lojës”, tha fillimisht Pep Guardiola.

Me pas ai foli edhe për skuadrën e PSG-së, ku theksoi se janë garues të mëdhenj.

”Sezonin e kaluar ne e mposhtnim PSG. Ata ishin skuadër fantastike dhe ishte ndeshje e ngushtë, dhe tani ata kanë Messin. Janë garues të mëdhenj. Është ndeshje e re, është faza e grupeve, është më ndryshe. Do të shohim”, theksoi tutje spanjolli.

Ndeshja mes PSG-së dhe Manchester Cityt zhvillohet të martën mbrëma nga ora 21:00 në stadiumin ‘Parc des Princes’.

Kjo ndeshje luhet në kuadër të xhiros së dytë të fazës të grupeve në Ligën e Kampionëve./Gazeta inFokus/