Sport

Goli i Vokrrit kundër Luksenburgut e dërgoi Jugosllavinë në Kampionatin Evropian

Autori: Gazeta inFokus 13:08 | 09 June 2018

Fadil Vokrri në çdo lojë të tijën ngriste të gjithë në këmbë më brohoritjen, VOKRRI, VOKRRI, VOKRRI.
Të gjithëve ju kujtohet futbollisti kosovar i viteve të tetëdhjeta, ylli më i madh i lojës magjike, Fadil Vokrri. Të gjithë e admironin atë. Ai ishte ndër lojtarët më të mirë të gjeneratës, dhe njeriu që bëri më së shumti për futbollin kosovar.

Karriera e Fadil Vokrrit kishte filluar me “Llapin” e Podujevës në moshën 15 vjeçare, si junior në KF “Llapi” e më vonë si 17 vjeçar kishte filluar të luante për ekipin e parë.

Pas KF “Llapi” ai kishte filluar të luante për “Elektrotelekomi” në Obiliq, dhe më pastaj është kthyer përsëri në Llap.

-Advertisement-

Vokrri i ishte bashkuar ekipit të Prishtinës në qershor të vitit 1980. Kontributi i Vokrrit ka qenë shumë i madh në fitoret e Prishtinës.

Ajo se çka mbahet në mend është sidomos loja kundër “Dinamos” të Zagrebit, e veçanërisht kundër “Zvezdes” në Beograd. Më pas Vokrri ka luajtur për ekipin e madh të Beogradit, “Partizani”. Partizani kishte shprehur interesim për talentin e madh të Fadil Vokrrit. Ai kishte qenë përfaqësuesi i vetëm shqiptar që ka veshur petkun e reprezentacioni të Jugosllavisë në ato kohë.

Goli i Fadil Vokrrit kundër Luksenburgut në minutat e fundit kishte quar ekipin në Kampionatin Evropian. Portieri i Luksenburgut, kishte thënë: “ Edhe po të ishin edhe pesë portierë të tjerë nuk do të mund të mbronin golin e Vokrrit”.

Fadil Vokrri pas “Partizanit” kishte luajtur edhe në Francë, si futbollist aktiv e më vonë edhe si trajner.

Ai më vonë ishte kthyer si Kryetar i Federatës së Kosovës në Futboll, duke punuar me përkushtim të madh për sportin Kosovar.

Falë punës së tij të madhe Kosova është pranuar në UEFA dhe FIFA.

Subscribe në YouTube: GAZETA INFOKUSI
Etiketa:
UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet
-Advertisement-

Të tjera

Fokusi

sport