Sport

Gol dhe asist, Muriqi tregon sekretin pas performancës fantastike me Barcelonën

Autori: Gazeta inFokus 14:05 | 27 Shtator 2023

Mallorca ndali në një barazim 2-2 Barcelonën teksa protagonisti kryesor i skuadrës së trajnerit Javier Aguirre ishte Vedat Muriqi. Sulmuesi i Kosovës realizoi golin e parë të sfidës ndërsa dhuroi edhe asistin e golit të dytë për Mallorcan.

Ishte goli i tretë në këtë sezon të LaLiga-s për 29-vjeçarin i cili pas ndeshjes me Barcelonën u shpreh ai dhe skuadra e tij shfrytëzuan në maksimum hapësirat në mbrojtjen e katalanasve.

“Skuadra vinte pas një humbje të thellë në transfertë dhe na duhej të reagonim. Luftuam shumë, por patëm edhe fatin në anën tonë. Besoj se rezultati ishte i drejtë, në fund edhe mund ta fitonim ndeshjen.

-Advertisement-

Na duhet të vazhdojmë në këtë rrugë dhe të marrim tre pikët në ndeshjen e radhës me Rayo Vallecanon. E dinim mirë se Barcelona është një skuadër e shkëlqyer me topin në zotërim, por njihnim shumë mirë edhe difektet në mbrojtjen e tyre. Ishim të zotët për t’i shfrytëzuar ato”, u shpreh Muriqi.