Lajme

Glauk Konjufca takohet me ambasadorin e SHBA-së, e falënderon për mbështetjen ndaj Kosovës

Autori: Gazeta inFokus 13:24 | 11 January 2022

Kryeparlamentari, Glauk Konjufca ka pritur sot në takim ambasadorin e ri të Shteteve të Bashkuara të Amerikës në Kosovë, Jeffrey M. Hovenier, të cilin e uroi për detyrën e re, shkruan Gazeta Infokus.

Konjufca e vlerësoi lart miqësinë e palëkundur dhe partneritetin shembullor me Shtetet e Bashkuara të Amerikës, duke vënë në pah se e ardhmja e Republikës së Kosovës është në BE, NATO dhe organizatat e tjera ndërkombëtare.

Gjithashtu ai falënderoi ambasadorin Hovenier për përkrahjen e vazhdueshme dhe mbështetjen e gjithanshme të Shteteve të Bashkuara të Amerikës ndaj Kosovës, duke shprehur mirënjohje edhe për dhurimin e mbi gjysmë milioni të vaksinave Pfizer kundër coronavirusit.

-Advertisement-

“Në takimin e përzemërt e tejet miqësor, kryetari Konjufca dhe ambasadori Hovenier shprehën përkushtimin për forcimin e mëtejshëm të marrëdhënieve dypalëshe, bashkërendimin e objektivave dhe thellimin e bashkëpunimit ndërmjet vendeve tona”, thuhet në komunikatën për media nga Kuvendi i Kosovës./Gazeta Infokus/

Subscribe në YouTube: GAZETA INFOKUSI