Gjykata Speciale çoi vendin në zgjedhje, në 2020-ën aktakuzat e para
Autori: Gazeta inFokus 16:53 | 01 January 2020
Mbi 250 persona janë ftuar për intervistim nga Gjykata Speciale gjatë vitit 2019.
Organizata e Veteranëve të luftës nuk e di se sa prej të ftuarve janë intervistuar në cilësinë e të dyshuarve e sa në cilësinë e dëshmitarëve. Por në bazë të informacioneve që kanë, theksojnë se ngritja e aktakuzave të para do të ndodh shumë shpejt.
Në një bisedë për Gazetën Sinjali, kryetari i OVL UÇK-së, Hysni Gucati, thotë se së fundmi ish-pjesëtarët e UÇK-së që janë ftuar nga Specialja kanë shkuar në Hagë në cilësinë e të dyshuarve.
“Mbi 250 persona janë të ftuar nga Gjykata Speciale. Ne nuk e dimë sa prej tyre janë dëshmitar e sa të dyshuar sepse nuk janë lajmëruar të gjithë në organizatën tonë. Por, ditëve te fundit Gjykata Speciale ka ftuar më shumë të dyshuar. Kemi pritur ngritjen e aktakuzave brenda këtij viti, por aktakuzat e para pritet të ngriten shumë shpejt, kjo është reale. “, tha Gucati për Gazetën Sinjali.
I pyetur se sa nga të ftuarit janë burra e sa gra, ai thotë se numri i grave të intervistuara nga Gjykata Speciale është më pak se dhjetë.
“Pothuajse të gjithë janë burra, numri i grave është shumë i ulët. Pak gra janë të ftuara nga Gjykata Speciale”, tha Gucati.
Gjykata Speciale çoi vendin në zgjedhje
Kryeministri në detyrë i Kosovës, Ramush Haradinaj, është profil më i lartë i politikës kosovare që u ftua në cilësinë e të dyshuarit nga Gjykata Speciale. Madje, për shkak të kësaj ftese ai dha dorëheqje nga posti i kryeministrit duke çuar vendin në zgjedhje.
Ramush Haradinaj ishte mbrojtur në heshtje.
Pas tij, Specialja e ftoi edhe ish-kryetarin e Kuvendit të Kosovës, Kadri Veseli. Edhe pse e konfirmoi ftesën, Veseli asnjëherë nuk ka treguar nëse është ftuar në cilësinë e dëshmitarit apo të dyshuarit. As Zafir Berisha nga Nisma Socialdemokrate nuk ka treguar se në çfarë cilësie është i ftuar.
Në cilësinë e të dyshuarit është ftuar edhe Jakup Krasniqi, ish-kryetar i Kuvendit të Kosovës, aktualisht kryetar i Këshillit Kombëtar në partinë Nisma Socialdemokrate. Njëjtë sikur Haradinaj edhe Krasniqi ishte mbrojtur në heshtje, muaj më parë në heshtje ishte mbrojtur edhe ish-komandanti i UÇK-së, Sami Lushtaku.
Gjykata Speciale i ka dërguar ftesë edhe deputetit të Lëvizjes Vetëvendosje, Rexhep Selimi. I njëjti është ftuar në cilësinë e të dyshuarit.
Deputetja e Kuvendit të Kosovës nga radhët e AAK-së, Time Kadrijaj, ka bërë të ditur se është ftuar nga Gjykata Speciale në cilësinë e dëshmitares. Ajo u intervistua në Prishtinë për shkak të mugesës së vizës. Si Kadrijaj, në Prishtinë u intervista edhe ish-deputetja e PDK-së, Safete Hadërgjonaj, në cilësinë e dëshmitares.
Në mesin e të ftuarve nga Gjykata Speciale është edhe shefi i Shtabit të Përgjithshëm të UÇK-së, Azem Syla, Sokol Bashota, Lahi Ibrahimaj, Bislim Zyrapi, Smajl Latifi, Bedri Zyberaj, Alush Shala e shumë të tjerë.
Ndonëse Specialja ka intervistuar shumicën e anëtarëve të Shtabit të Përgjithshëm të UÇK-së dhe të komandantëve të Zonave Operative. Të vetmit që nuk janë ftuar ende në Hagë janë tre nga shtatë komandatët e Zonave Operative të UÇK-së dhe komandanti i përgjithëm i UÇK-së. Bëhet fjalë për komandantin e Zonës Operative të Pashtrikut, Fatmir Limaj, ai i Zonës Operative të Shalës, Rrahman Rama dhe ish-komandanti i Zonës Operative të Karadakut, Ahmet Isufi, ashtu sikurse edhe komandanti i përgjithshëm i UÇK-së, Agim Çeku,
Ndërsa, Presidenti Hashim Thaçi ka thënë se do t’i përgjigjet pozitivisht thirrjes së Gjykatës Speciale për intervistim, në rast se i vjen një e tillë.
Para gazetarëve, Thaçi ka thënë se është për t’u lavdëruar bashkëpunimi i luftëtarëve me dhomat e specializuara. Kosova, sipas presidentit nuk ka asgjë për të fshehur.
“Nëse më vjen ftesa, natyrisht se do ti përgjigjem është jashtëzakonisht për t’u lavdëruar bashkëpunimi i të gjithë bashkëluftëtarëve me dhomat e specializuara, me çka e vlerësoj me mirënjohjen më të lartë, sepse Kosova nuk ka asgjë për të fshehur, ne të gjithë jemi të barabartë para ligjit”, ka thënë ai.
Të gjithë të ftuarit kanë deklaruar se lufta e UÇK-së është e pastër dhe kjo sipas tyre do të vërtetohet edhe nga dhomat e specializuara në Hagë.
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...