Rozë

Gjykata e Apelit merr vendim për tri mjeket e akuzuara për vdekjen e Arbenita Spahiut

Autori: Gazeta inFokus 22:26 | 04 October 2017

Janë shpallur plotësisht të pafajshme tri mjeket Maxhide Shaqiri, Hamide Zeqiri dhe Vjosa Kosumi, që akuzoheshin për vdekjen e Arbenita Spahiut, raporton KTV.

Gjykata e Apelit ka njoftuar se e ka refuzuar ankesën e prokurorisë lidhur me vendimin e Gjykatës Themelore të Gjilanit që akuzoheshin për trajtim të pandërgjegjshëm mjekësor dhe mosdhënie të ndihmës mjekësore.

“Vendimi i Gjykatës së shkallës së parë, është i qartë dhe konkret. Në të janë dhënë arsyet për faktet vendimtare, janë arsyetuar provat dhe drejt është vepruar kur është konsideruar se në veprimet e të akuzuarave nuk qëndrojnë elementet e veprave penale, për të cilat ato ishin ngarkuar”, thuhet në njoftimin e Gjykatës së Apelit.

-Advertisement-

27-vjeçarja Arbenita Spahiu, ka vdekur më 3 mars 2016, pak orë pasi lindi foshnjën e saj. Për rastin e saj shpeshherë u protestua, ndërsa Prokuroria në Gjilan këtë vdekje e pati cilësuar të dyshimtë.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

roze