Sport

Gjuajti me shkelma tifozin e Everton, policia nis hetimet për trajnerin e Crystal Palace

Autori: Gazeta inFokus 13:46 | 20 May 2022

Një ngjarje e shëmtuar është filmuar nga kamerat pasi Everton siguroi mbijetesën në Premier League në fitoren me përmbysje me rezultatin 3-2 ndaj Crystal Palace mbrëmjen e së enjtes, pas së cilës tifozët u dyndën në fushën e lojës.

Trajneri i Crystal Palace, Patrick Vieira, u përplas me një nga tifozët që u futën në fushën e “Goodison Park”, ndërsa nga pamjet francezi shihet duke goditur me shkelma personin në fjalë.

Tifozi i Everton dukej se po tallej me 45-vjeçarin, ndërsa tekniku ishte duke ecur nëpër fushë. Vieira nuk i duroi fjalët e tij dhe si reagoi duke e goditur. I pyetur në lidhje me incidentin francezi u shpreh: “Nuk kam asgjë për të thënë për këtë”.

Ndërkohë menjëherë pas bërjes publike të filmimeve nga ky moment, ndaj ngjarjes ku është përfshirë francezi ka nisur një hetim policor.

“Ne po punojmë me Everton për të mbledhur të gjitha pamjet e disponueshme dhe po flasim me dëshmitarët. Nuk ka pasur ankesa deri më tani, formalitetet dhe hetimi i incidentit janë në vazhdim.”-thuhet në njoftimin e policisë së Merseyside.

Të tjera