Lajme

Gjilani i bënë bashkë shqiptarët nga të gjitha trojet

Autori: Gazeta inFokus 08:42 | 27 November 2017

Në kuadër të 105 – vjetorit të shpalljes së pavarësisë së Shqipërisë, më 27 nëntor, kryetari i Komunës së Gjilanit, Lutfi Haziri, i bënë bashkë udhëheqësit e nivelit më të lartë politikë shqiptar nga Kosova, Shqipëria, Maqedonia, Mali i Zi dhe Kosova Lindore.

Në ora 09:00, bëhet zbulimi i busteve të personaliteteve të shquara, Reshat Ymeri, Xhavit Ahmeti, Muharrem Ibrahimi, Esat Berisha dhe Halim Orana.Në ora 10:00, në teatrin e qytetit, presidenti i Shqipërisë, Ilir Meta, bënë dekorimin e personaliteve të cilët u sakrifikuan për lirinë e shqiptarëve.

Ndërsa, ceremonia kulmon me zbulimin e shtatores së kolosit të kombit, Idriz Seferi, në sheshin qendror të Gjilanit, në ora 11:00, me një program të pasur kulturor-artistik.Kryetari Haziri ka vlerësuar se 105-vjetori i shpalljes së pavarësisë së Shqipërisë identifikohet me Vlorën dhe Gjilanin.

-Advertisement-

“Apeli im publik është që të vijnë edhe bashkatdhetarët kudo që jetojnë në Evropë apo Amerikë, në mënyrë që ta ndajmë së bashku këtë festë të madhe”, ka thënë Haziri.

Subscribe në YouTube: GAZETA INFOKUSI