Gjetja e vajzave që u raportuan të zhdukura, prokuroria jep detaje
Autori: Gazeta inFokus 17:14 | 01 October 2022
Në orët e hershme të së shtunës, janë gjetur dy vajzat të cilat ishin raportuar të zhdukura nga familjarët e tyre një javë më parë në Pejë.
Nga Prokuroria Themelore në Pejë, kanë deklaruar për Telegrafin se të njëjtat janë shëndosh e mirë dhe se kanë deklaruar që nuk kanë qenë nën presion, kërcënim apo detyrim nga ndokush gjatë kohës sa kanë qenë të paqasshme.
Zëdhënësi i kësaj prokurorie, Shkodran Nikçi, ka bërë të ditur se në koordinim me Policinë e Kosovës janë duke ndërmarrë veprime se mos ka ndonjë element të veprës penale të rastit në përgjithësi.
“Vajzat janë kthyer mbrëmë shëndosh e mirë dhe janë lajmëruar në stacionin policor të Pejës. Të njëjtat kanë deklaruar se nuk kanë qenë nën presionin apo kërcënimin dhe detyrimin e ndonjë personit gjatë kohës sa kanë qenë të pa qasshme”.
“Ajo çfarë mund të konfirmoj është se Prokuroria Themelore në Pejë në koordinim me Policinë e Kosovës është duke ndërmarrë veprime se mos ka ndonjë elemente të veprës penale të rastit në përgjithësi”, ka deklaruar Nikçi.
Ndryshe, për rastin është deklaruar të shtunën edhe Policia e Kosovës. Në njoftimin zyrtar thuhet se vajzat kanë deklaruar se janë larguar me dëshirë dhe se nuk dëshirojnë të kthehen në shtëpitë e tyre. Ato kishin qëndruar në një shtëpi të pabanuar në fshatin Qungur të komunës së Pejës.
Të njëjtat bëhet e ditur se janë dërguar në Stacionin Policor në Pejë, nga një qytetar të cilin e kanë ndaluar në rrugë.
Gjithashtu, thuhet se vajzat janë kontrolluar nga mjeku kujdestar, ndërsa në bashkëpunim me zyrtarin për punë sociale janë sistemuar në një shtëpi të sigurtë.
“Lidhur me rastin është njoftuar Prokurori i shtetit, gjithashtu edhe zyrtari për punë sociale. Pas intervistimit tё viktimave nga hetuesit e Sektorit Rajonal për Hetime DRP –Pejё, të njëjtat deklarojnë se nuk dëshirojnë të kthehen në shtëpitë e tyre dhe në bashkëpunim me zyrtarin për punë sociale dy vajzat janë sistemuar në shtëpinë e sigurt”, thuhet në njoftim.
Të dy vajzat janë studente dhe kanë lidhje familjare (vajzë daje – halle), ndërkaq për zhdukjen e tyre Policia e Kosovës ka raportuar më 25 shtator.
Të tjera
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Afro 2 milionë euro më shumë, Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin për ...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...