Lajme

Gjermania njofton masa të reja për të ulur varësinë nga gazi rus

Autori: Gazeta inFokus 23:27 | 19 June 2022

Gjermania do të marrë masa urgjente për të frenuar varësinë nga përdorimi i gazit rus.

Ministri gjerman i Ekonomisë, Robert Habeck tha se një ndër masat do të jetë rritja e përdorimit të qymyrit.

“Për të reduktuar konsumin e gazit, duhet të përdoret më pak gaz për të prodhuar energji elektrike. Termocentralet me qymyr do të duhet të përdoren më shumë në vend të tyre. Është e hidhur, por e domosdoshme për reduktimin e konsumit të gazit,” tha Habeck në deklaratë.

-Advertisement-

Qeveria në Berlin ka propozuar një financim prej 15 miliardë eurosh për të mbështetur reduktimin në përdorimin e gazit për energji dhe industri.

Gjiganti i gazit rus, Gazprom, njoftoi për reduktime të përsëritura këtë javë të dërgesave të saj përmes gazsjellësit Nord Stream 1 në Gjermani, duke përmendur probleme teknike.

Por ministri Habeck e ka konsideruar këtë veprim si një vendim politik, për shkak të sanksioneve që vendet perëndimore kanë vendosur ndaj Rusisë.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera

Fokusi

lajme