Lajme

Gjermania do ta arrestojë Putinin nëse shkel në tokën gjermane

Autori: Gazeta inFokus 23:41 | 19 March 2023

Ministri i Drejtësisë i Gjermanisë, Marco Bushman, tha se do të ekzekutojë urdhrin e arrestit për presidentin rus Vladimir Putin nëse ai shkel në tokën gjermane, transmeton Anadolia.

“Pres që Gjykata Ndërkombëtare Penale në Hagë t’i drejtohet shpejt Interpolit si dhe shteteve kontraktuese dhe t’u kërkojë atyre ta zbatojnë atë urdhër”, tha Bushman për gazetën “Bild am Sonntag”.

Bushman shpjegoi se Gjermania do të detyrohej t’i hiqte lirinë Putinit nëse ai hyn në territorin gjerman dhe ta dorëzonte atë në Gjykatën Penale Ndërkombëtare në Hagë.

-Advertisement-

Dje, gjatë vizitës së tij në Japoni, kancelari gjerman Olaf Scholz përshëndeti urdhrin e ICC kundër Putinit, duke thënë se askush nuk është mbi ligjin.

Të premten, ICC lëshoi ​​urdhra arresti për Putinin.

ICC akuzon Putinin se është përgjegjës për krimin e luftës të dëbimit të paligjshëm të popullsisë (fëmijëve) dhe transferimit të paligjshëm të popullsisë nga territoret e okupuara të Ukrainës në Federatën Ruse.

Gjykata tha se ka arsye të arsyeshme për të besuar se Putini mban përgjegjësi penale individuale për krimet e mësipërme. /abcnews.al/

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme