Lajme

Gjendja në pikat kufitare/ Kolona të gjata tek Dheu i Bardhë dhe në Muçibabë

Autori: Gazeta inFokus 23:42 | 30 July 2022

Në pikat kufitare me Serbinë po vazhdon fluksi i madh i veturave me bashkatdhetarë që po vijnë në Kosovë, por edhe të atyre që po kthehen në vendet tjera, shkruan Gazeta Infokus.

Sipas Qendrës Kombëtare për Menaxhimin Kufitar pritjet më të gjata për të hyrë në Kosovë janë në pikën kufitare “Dheu i Bardhë”, ku qytetarët po presin deri në 80 minuta për të hyrë në Kosovë, kurse 30 minuta për të dalë nga Kosova.

Derisa kolona e automjeteve është 1 mijë e 300 metra në anën e Serbisë dhe 400 metra në anën e Kosovës.

Pritje të gjata po ka edhe në vendkalimin në Muçibabë, ku në dalje të Kosovës janë regjistruar pritje deri në 1 orë e 20 minuta, kurse kolona e automjeteve arrijnë deri në 1 mijë e 500 metra.

Ndërkaq, në pikën kufitare në Merdar mërgimtarët po presin deri në 1 orë për të dalë nga Kosova, kurse 10-15 minuta për të hyrë në vend./Gazeta Infokus/

Të tjera