Lajme

Gjendet pa shenja jete një 30-vjeçare në Skenderaj, cilësohet si “vdekje e dyshimtë”

Autori: Gazeta inFokus 14:25 | 24 March 2023

Një ngjarje e rëndë ka ndodhur në një familje në fshatin Kosterc të Skenderajt. Vajza e tyre 30-vjeçare u gjet pa shenja jete mëngjesin e sotëm.

Emergjenca e Qendrës Kryesore të Mjekësisë Familjare në Skenderaj ka bërë me dije se kanë pranuar thirrje për ndihmë, pasi e reja ndodhej pa ndjenja dhe dyshohej se ishte në rrezik për jetën.

Ekipi mjekësor i Emergjencës ka dalë menjëherë në vendin e ngjarjes, ku pas ekzaminimeve për shenjat vitale, mjeku ka konstatuar vdekjen e viktimës.

-Advertisement-

Ndërkohë lidhur me rastin është njoftuar edhe Policia e Kosovës të cilët kanë dalë në vendin e ngjarjes për të kryer ekzaminimet e nevojshme. Në kuadër të veprimeve hetimore janë marrë dëshmitë e familjarëve, të cilët kanë bërë me dije se e ndjera mbrëmë kishte rënë në gjumë, ndërsa sot kur ka tentuar nëna e saj ta zgjojë, e ka vërejtur se ajo nuk po lëviz dhe ka thirru për ndihmë për shkak se ka dyshuar që ajo ka ndërruar jetë.

Nuk dihen shkaqet që shkaktuan vdekjen e 30-vjeçares dhe me urdhër të prokurorit, trupi i pajetë është dërguar në Institutin e Mjekësisë Ligjore për obduksion. Rasti është cilësuar “Vdekje e dyshimtë”.

Subscribe në YouTube: GAZETA INFOKUSI