Lajme

Gjekmarkaj: Basha përgjegjësi historike, të jap dorëheqje

Autori: Gazeta inFokus 12:06 | 26 June 2017

Një nga mbështetësit e fortë mediatik të Lulzim Bashës, Agron Gjekmarkaj ka kërkuar mbajtjen e një përgjegjësie historike nga kreu i PD-së duke kërkuar po ashtu dhe dorëheqjen e tij të menjëhershme.

I ftuar në Top Channel për të komentuar rezultatin e zgjedhjeve të 25 Qershorit në Shqipëri, ai tha:

”Matematiaka është më fortë se emocionet. Basha duhet të japë llogari deri më një. Unë e kam bështetur Bashën për një kohë të gjatë kundër këtij pushteti arrogant. Por këtu nuk ka më vend për Alibi. Basha duhet të japë dorëheqje dhe të mbajë këtë përgjegjësi historike”. Ai tha se ”lista e Bashës nuk ishte aspak përfaqësuese” duke e kërkuar aty të keqen.

-Advertisement-

”Bashës disfatën ia dha lista. PD kishte nevoje për një rinovim cilësor. Ata që duhet të sillte në skenë duhet të ishin personalitete të konfirmuara. Ata që basha solli nuk ishin aspak përfaqësues, por ishin njerëz të vegjël”, tha Gjekmarkaj, transmeton Klan Kosova.

Subscribe në YouTube: GAZETA INFOKUSI